E bari

(ritmo di bari)
Le le le (Chandall)

Bari di Boneiro ta traha di palo di bari di carnisa di temponan pasa... Riba e bari ta habri cuero di cabrito y pa rek e cuero riba e bari nos ta uza rais di palo di kwihi y ta claba cu claba di zim.
Pa stem e bari e ta wordo bati na banda riba e clabo di zim cu e wiri…

(ritmo di Toto na mi porta) Wendel

Nos antepasadonan a uza bari pa tur nan celebracionnan y tambe nan criticanan…

Den tur celebracion e bari mester t’ey!
Den cunucu na momento di cortamento di mainshi e bari ta wordo toca y e cortadonan di mainshi ta canta.
(ritmo Dalia) Wendel

Na momento di bay cas, ata e bari ta zona atrobe.
(ritmo Madua Ban cas ey)

Semper antes nos mayornan ta yama na nomber di nan yiu cu a bay cunucu pa prome biaha, di con?
Pa su stem no keda na cunucu y esaki a pasa cu Madua tambe…
Anto ora a yega cas wapamento ta bay waico y bari ta zona
(ritmo Simadan)

Den temporada di fin di aña e bari ta papia di e sucesonan cu a pasa durante aña…
(ritmo)

Den luna di juni e bari ta ronca den fiesta di San Juan y San Pedro. E bari ta yora Juan y Juanita, Pedrito y Pedrita pa habri porta.
(ritmo San Juan y San Pedro)